බඩ විරේකයක්

අරළු කුඩු, වැල්මී කුඩු කලඳ බැගින් ගෙන කිතුල් හකුරු සමඟ අඹරා රාත්‍රී කෑමට පසු ගිලින්න. උණු වතුර බොන්න. වැඩියෙන් උණු වතුර බීව තරමට වැඩියෙන් විරේක වේ.

නවතින්න තැඹිලි හෝ කුරුම්බා වතුර බොන්න.

මෙය මාස තුනකට වරක්  සෑහේ.

බෙල්ල දෙපැත්තේ එන සෙම් ගෙඩි වලට

ගම්මිරිස්

තිප්පිලි

සහිඳ ලුනු

අමු ඉඟුරු

සුදුළූනු

මුරුංගා මුලේ පොතු

මේවා එක පමණ ගෙන අඹරා කුඩා පොට්ටනි බැඳ කටේ දමා හපමින් සෙම අරින්න.

ඊටම

සර්ව  විශාදිය තෙල් බෙල්ල දෙපැත්තේ ගා, බුලත් කොළයකත් පිට පැත්තේ තෙල ගා, ඇතුල් පැත්ත ගිනි අඟුරට අල්ලා රත් කර බෙල්ල තවන්න.

තක්කාලි, මුරුංගා, බණ්ඩක්කා කෑම අගුණයි.

බඩේ අජීර්ණයක් වැනි කෑම අරුචිය ඇති විට

සූදුරු ටිකක් කබලේ බැඳ කුඩු කර කෝපි මෙන් වත් කර සීනි කා බොන්න.

උළුක්කුවට

අමු කහ

බැල තණ

පොල්

ලුනු

සමඟ කොටා මලවා බඳින්න.

ඊටම

ඔලිඳ කොළ කොටා එරඬු තෙලින් මලවා බඳින්න.

ගින්නෙන් පිළිස්සුනාම

අන්නාසි ගොබ කොටා මිරිකා රෙදි කඩකින් පෙරා පිළිස්සුනු තැන ගල්වන්න.

කැරපොත්තා ලෙවකා හෝ මුත්‍රා කල විෂට

අළු හුණු ටිකක් උණු වතුරට දමා දිය කර ඒ දුම් අල්වන්න. [එම ගෑවුනු තැනට ]

පණු ගායට

වලගසාල් කුඩු කර මී පැණි සමඟ ගුලි කර වරකට බුළු ගෙඩියක් පමණ උදේට දින 3 ක් හෝ  4 ක් දෙන්න.

ගෝනුසු විෂට

තෝර මුල් දෙහි ඇඹුලෙන් අඹරා ගාන්න.

ඊටම

වරා දළු, අමු කහ, ලුනු කැටයක් සමඟ දෙහි ඇඹුලෙන් අඹරා ගාන්න.

පත්තෑ විෂට

දෂ්ඨ මුඛය දෙහි කටුවකින් පාරා අරලිය කිරි තබා බඳින්න.

ඊටම

මල් ගස් ලබු මුලක් දෙහි ඇඹුලෙන් අඹරා කෑ මුඛයේ තබන්න.

අත පය හංදි පැනීමට

ලුනු වරණ පොතු

අට්ටික්කා පොතු

අමු කහ

ලුනු ටිකක්

එකට දමා කොටා මලවා බඳින්න.

ඒ සමඟම හාල් හුණ්ඩුවක් පමණ ගෙන සෑහෙන පමණ වතුර දමා ලිප තබා බත උතුරන විට අර බේත ලිහා දමන්න.

ඊටම

කොතල හිඹුටු කොළ, පොතු,

අමු කහ

දිය ලුනු

පොල් බෑවක පොල්

දමා කොටා මලවා හවස තරු පායන වෙලාවට ඒ දෙස බලා බේත් බැඳ තිස් පැයෙන් ලිහා දමන්න.

හංදි පූට්ටු වී සුව වේ.