මී විෂට

කෑ මුඛය රත්තරන් රත් කර තබා පුච්චන්න.

රුක් අගුන පොතු නර මුත්‍රයෙන් අඹරා ගාන්න.

කොහොඹ පොතු ලුණු දියරෙන් ගලගා ගාන්න.

දිවුල් ගහේ පස් පංගුව කසාය තම්බා බොන්න.[හීනැටි හාල් කැඳ වලට දමා බොන්න.]

දෙඹර, බඹර, මී මැසි විෂට

දෂ්ඨ කල තැන විත ගලවා දමන්න.

උම්බලකඩ අඹරා රබ්බඩ පුවක් ලෙලි ඉස්මෙන් දිය කර ගාන්න.

ලුණු කුඩු තෙමා කෑ මුඛයේ ගාන්න.

රතු ළූනු ගෙඩියක් කපා අතුල්ලන්න.

යකි නාරං මුලක් දෙහි ඇඹුලෙන් ගලගා ගාන්න.

ගෝනුස්සා විෂට

කුප්පමේනියා කොළ හුණු සමඟ අඹරා ගාන්න.

තෝර කොළ ලුණු දියරින් අඹරා ගාන්න.

එරබදු කොළ ලුණු දියර සමඟ කොටා මිරිකා ගාන්න.

පැණි තෝර මුලක් හපා කටේ තබා ගෙන කණට පිඹින්න.

ගරුඩාට විෂට

රුක් අත්තන මුලේ පොතු දෙහි ඇඹුලෙන් අඹරා ගාන්න.

අරළු, බුළු, නෙල්ලි දෙහි ඇඹුලෙන් ගලගා ගාන්න.

අමු කහ ලුණු දියරින් ගලගා ගාන්න.

සියඹලා බොර ගාන්න.

පත්තෑ විෂට

සුදු ළූනු ගෙඩියක් කපා කෑ මුඛයේ තදින් අතුල්ලන්න.

රත් මල්, රත් හඳුන් දෙහි ඇඹුලෙන් ගාන්න.

දත් මැලියම් හූරා තබන්න.

කුණ කටු විෂට

වල් ඉඟුරු, කහ, ලුණු දා මලවා බඳින්න.

නවසි කහකඩ කොටා මිරිකා පොවන්න.

යකි නාරං සහමුලින් ගෙන කොටා කහ ලුණු දමා මලවා බඳින්න.

වැල් කැප්පෙටියා  කොළ, පොතු, යකි නාරං කොළ, පොතු කොටා මිරිකා දෙහි ඇඹුල් දමා පොවන්න.

මා පිල් විෂට

පිටවක්කා පින්න කොළ දෙහි ඇඹුලෙන් අඹරා එම ඇඹුලෙන්ම පොවන්න.

කිරි අඟුන කොළ යුෂ ගිතෙල් සමඟ දෙන්න.

වල් හබරල කොළ හා පිති කොටා ඉස්ම පොවන්න.

අමු කහ කොටා කෑ මුඛයට තබන්න.

කරවැල් විෂට

කරපිංචා කොළ කැඳ උයා දෙන්න.

දෙහි කොළ, පොතු කහ ලුණු දා මලවා බඳින්න.

මදුරුතලා කරල්හැබ කොටා ඉස්මට දෙහි දමා බොන්න දෙන්න.

අළු කෙසෙල් බඩ ඉස්ම පොවන්න.

නාග විසට

නෙලුම් රේණු

නා මල් රේණු

ඉඟුරු පියලි අල

ඉදි බඩ

කෙකටිය අල

එක පමණ ගෙන දෙහි ඇඹුලෙන් අඹරා ගුලි කර තැඹිලි වතුරෙන් දිය කර කැඳ පිස දෙනු.

ඊටම

කහඹිලිය

නිදි කුම්බ

මගුල් කරද කොළ

එක පමණ ගෙන කොටා තම්බා දුම් අල්ලන්න. ඉදිමුමට එම රොඩු බඳින්න.

විෂ ඉක්කාවට

මොණර පිහාටු අළු

උක් හකුරු

මී පැණි සමඟ කන්න දෙනවා.

පොලොන් විෂට

අළු කෙසෙල් අල යුස පොවන්න.

කොට කිඹුලා පොතු කොටා ඉස්ම දොඩම් ඇඹුලෙන් පොවන්න.

පිරිමි ළමයෙකුගේ මුත්‍රා පතක් ගෙන දෙහි ඇඹුල් දමා කිතුල් හකුරු සමඟ දෙන්න.

කෑර කොළ කොටා දොඩම් ඇඹුල් සමඟ පොවන්න

හීන් අරත්ත සහමුලින් ගෙන කොටා මිරිකා ඉස්මට ලිප මැද රතු පස් දමා දිය කර කීප විටක් පෙරා පොවන්න.

පොලොන් විෂ ඉක්කාවට

ඉත්තෑකූරු අළු

එලඟි තෙල්

උක් හකුරු

කලවම් කර කන්න දෙනවා.