තැල්මට

ලුනු දියර මැටි ඇතිලියක දමා ලොකු රෙදි පටියක් ඊට දමා හොඳට පොඟවා ලිප තබා රත් කර යාන්තමට තෙතමනය තිබියදී මඳ රස්නය ඇතිව තැලුනු තැනට තබා බැඳ ලුනු දියරෙන් තෙමන්න. වේලෙන විට වරින් වර තෙමන්න.

උලුක්කුවට

උලුක්කු හංදිය ඇද තලතෙල් ගාන්න.

බේත් එඬරු කොළ, පොතු, ගෙඩි, මල්, අමු කහ සමඟ කොටා මලවා බඳින්න.

විෂ කටු ඇනී ඇත්නම් ඇදීමට

අන්නාසි ගොබ, අමු කහ, පෙරුංකායම් පොල් කිරෙන් තම්බා අඹරා බඳින්න.

ඊටම

කෝමාරිකා මද පෙරුංකායම් පොල් කිරෙන් තම්බා අඹරා බඳින්න.

යකඩ ඇණ ඇනුනාම

රත් කල කොහොඹ  තෙල් බිංදුවක් තුවාලයට දමන්න.

ඇණය ඇනුන විගසම පලමු  ප්‍රතිකාරය මෙයයි.

උණට

වේලිච්ච ඉඟුරු

කොත්ත මල්ලි

පත්පාඩගම්

තිප්පිලි මුල්

කලං 3 බැගින් වතුර 8 / 1 ට සිඳ පෙරා පත 1/2 බැගින් සහිඳ ලුණු දමා බොන්න.

ඊටම

වෙනිවැල් ගැට

කොත්තමල්ලි

පත්පාඩගම්

කලං 4 බැගින් ගෙන 8 / 1 ට සිඳ සීනි දමා පත් 1/2 බැගින් උදේ හවස බොන්න.

ලේ යන අර්ශස් වලට

මේරූ කොහිල අල කෑල්ලක් ගෙන සෝදා පෙති ගසා දින 2 ක් පවනේ වේලා, පොල් පැණි බෝතල් 1/2 ක් ගෙන වලඳක දමා උනු කර කොහිල එයට දමා තම්බා පසු දින සිට උදේ හවස කෑමට ගන්න.

ඊටම

ඉරිවේරිය දළු

කොහිල දළු

රතු ළූනු

කරල් හැබ දළු   කොටා වතුර දමා තම්බා පෙරා උදේ හවස පත බැගින් බොන්න.

හීංබෝමියා කැඳ උයා බොන්න.

කොහිල කැඳ උයා බොන්න.

මඩු දළු, කොහිල දළු, කූර දළු, ඕලු දළු උයා කෑම ගුණයි.

ඇසේ උල් වැනි දෙයක් වැදී තුවාල වූ විට

උල්වැරනිය දළු

අමු කහ

රතු ළූනු

එක පමණට ගෙන අඹරා රෙදි කෑල්ලක දමා ඇසට මිරිකන්න.

මුත්‍රා දැවිල්ල හා වේදනා ඇති විට [ විරේකයක් ]

නීර මුල්ලිය, පොල්පලා, ගොකටු එක පමණ ගෙන තම්බා පෙරා සීනි දමා උදේට බොන්න. දින 3 ක් සෑහේ.

ඇස් වලින් කඳුළු ගලනවාට

ගොටු කොළ රතු ළූනු කොටා මිරිකා රෙදි කඩකින් පෙරා උදේට ඇසට දමන්න.

නාසයෙන් ලේ යනවාට

සමන් පිච්ච කොළ කොටා මිරිකා ඉස්ම් බිංදු 10 කට මව් කිරි එපමණම මිශ්‍ර කර නස්න කරන්න.

දෙළුම් මල් පොහොට්ටු මව් කිරෙන් අඹරා මිරිකා නස්න කරන්න.